Arranca o FICRURAL xogo levando as escolas de compstela unha mostra de xogos populares
FICRURAL XOGO é un dos tres eixos estratéxicos do FICRURAL, Foro Internacional da Cultura e Economía Rural, co que se pretende divulgar o patrimonio lúdico galego, socializalo e levar as escolas os xogos tradicionais, como alternativa de ocio aos xogos actuais. E para os non tan cativos, acercar a contorna rural como alternativa de ocio para a práctica de actividades saudables e sostibles, promovendo o coñecemento deste territorio, a través de roteiros temáticos, andainas, saídas en bici e outras actividades para dar a coñecer o rural compostelán.
FICRURAL xogo achega alternativas de ocio aos colexios de compostela
Ao longo dos meses de decembro e xaneiro desenvolveuse en 5 centros de Educación Primaria de Compostela a primeira actividade do programa FICRURAL Xogo. Levouse aos centros a ludoteca itinerante de Xandobela que conta cunha colección de xogos para todas as idades elaborados artesanalmente e inspirados en xogos tradicionais de épocas e lugares diversos.
Inauguración da Exposición Anacos Do Rural de Compostela e A Coruña en Amio
A Inauguración da Exposición Anacos Do Rural de Compostela e A Coruña en Amio, punto de partida do FICRURAL 2018-19
O pasado mércores 19 de decembro tivo lugar a inauguración da exposición Anacos do Rural no recinto Feiral de Amio. O acto inaugural contou coa presenza de representantes do Concello, Deputación da Coruña e do Ministerio de Agricultura, Pesca e Alimentación. Entre o público había ademais varios gandeiros e visitantes da feira do gando.
FICRural Feira
Como aconteceu sempre nas feiras ao longo da nosa historia, crearase un espazo de encontro para favorecer o intercambio, o diálogo e a reflexión sobre o pasado, o presente e o futuro do mundo rural, compartindo experiencias con actores públicos e privados, nacionais e internacionais, e xerando unha rede de contactos e colaboración entre axentes de proxectos de emprendemento rural e de dinamización dos recursos endóxenos de Compostela e Comarca e dos concellos da provincia de A Coruña.
Ligazón da nota de prensa da exposición Anacos do Rural
Descargar Cartel
FICRural Visión
Mediante o conxunto de accións, eventos e actividades propostas dentro do FICRural Visión, preténdese mellorar o coñecemento da nosa cultura e identidade, así como crear un arquivo de recursos audiovisuais para recuperación da memoria rural e favorecer o diálogo intercultural entre os espazos rurais e os urbanos.
Aproveitando recursos cotiás como os móbiles e as redes sociais, desenvolveranse actividades como xincanas fotográficas e audiovisuais nas parroquias rurais de Compostela, enfocadas principalmente nas rapazas e rapaces dos centros de Educación Secundaria.
Ligazón Festival de Cine Carlos Velo
